|
|
|
|
|
|
|
|
|
© Haukur Snorrason/photos.is
|
|
|
Í Kjósinni átti ég eitt sinn
svo undurgóðan dag,
og þar er allt fullt upp af fuglum –
í fyrra sáu þeir örn
sem flaug yfir hálsa og hæðir
og heiðbláa fjallatjörn.
Ég stóð við ána og starði
í straumlygnu rétt við klöpp
og hugsun mín lék sér við laxinn
sem leitaði móti straum –
ég vaknaði upp við að áin
rann inn í mitt ljóð, og minn draum.
Ég vaknaði upp og enginn
veit afhverju draumur minn
var frábrugðinn öllu öðru
sem okkur er fært að sjá:
ég horfði huldufólksaugum
inní hamrafjöllin blá. |
|