© Haukur Snorrason/photos.is
Páskadagur á heimleið
Við sitjum saman
í bílnum
og leggjum á hraunið
mjóa malbiksræmu.
Í dag hefur þokan
fjarlægt fjallið
og án þess er
láglendið
loksins frjálst
þúsund þúfur
á láglendi
nú
þúsund fjöll.
Þetta er ekki mitt líf
hugsa ég
þetta er eitthvað miklu betra
því þokan er draumduft úr silfri
hún er niðurdreginn himinn
og paradís á jörðu
er hér
og nú.
Davíð A. Stefánsson