Hún er alveg á heimsmælikvarða af Rangárvöllum
og hefur á sér sígildan hlykk hægra megin.
Skeytt saman úr Fúsíjama og Snæfellsjökli.
Úr Gnúpverjahrepp verður hún búsældarleg
og sómi að henni fyrir sveitina.
Blátindurinn skagar yfir tún,
sólgræn, og stundum með rúlluböggum.
Sé gengið á hana verður hún hins vegar djöfulleg.
Það rísa oddhvassar gufur kringum gíginn. Þráðbeinar,
jafnvel í roki.
Reyndir ferðamenn eru ekkert að tylla sér. |